Escol@ctiva
|
¿Que é Escol@ctiva?
Escol@ctiva é unha escola de formación permanente dentro do proxecto profesional de Coper@ctiva Cultural - Cultur@ctiva S. Coop. Galega que pretende crear espazos de intercambio e debate, entre formadores/as e persoas adicadas ou interesadas no tempo libre e no ocio alternativo, centrada na educción non formal.
¿Porque unha Escol@ctiva?
O nacemento de Escol@ctiva vén motivado pola observación crecente das persoas que integramos o proxecto de Coper@ctiva Cultural - Cultur@ctiva S. Coop. Galega da grave pobreza formativa que exsite na actualidade dentro do campo da animación sociocultural. A excesiva mercantilización do tempo libre, o peso abusivo das fórmulas consumistas no desfrute do ocio e a falta de profesionais formados en sistemas autocentrados de educación, xeran un mapa técnico e cultural no que a persoa e o concepto de comunidade vense relegados a un plano subordinado.
Ante esta realidade, nós apostamos pola formación de calidade que deberá buscar xeitos anovados día a día, desde a avaliación contínua e a búsqueda permanente.
Dende Escol@ctiva pretendemos fomentar unha nova fornada de técnicos/as, profesionais ou non, que pulen por unha nova concepción do lecer e a acción cultural, experimentando con modelos pedagóxicos comprometidos coa horizontalidade e a dinamización social e demostrando que unha outra edcuación é posible.
O método de traballo de Escol@ctiva
As premisas que marcan o noso traballo son a educación popular como método pedagóxico, unha prioritaria relación co entorno social e a formación en valores. Todas estas premisas están vencelladas entre si e forman parte dunha visión global de intervención comunitaria, na que se emprega a diversión e o tempo de ocio como medio para fomentar a participación cidadá e a mellora na calidade de vida.
Os nosos cursos
Os campos de actuación pedagóxica da Escol@ctiva son amplos e variados, e van desde a formación de monitores/as e directores/as en actividades de tempo libre ata a de dinamizadores sociais que interactúen no campo medioambiental, xuvenil ou cultural, pasando por multitude de disciplinas e técnicas como a Risoterapia, Ioga-clown ou o fomento do asociacionismo. Asemande, propoñemos unha batería de obradoiros e cursos integrados no proxecto de Coper@ctiva Cultural - Cultur@ctiva S. Coop. Galega que conforman un proxecto global que se artella arredor da persoa e o seu desenvolvemento. |
>>FORMACIÓN PARA O OCIO E O TEMPO LIBRE
MONITORES/AS DE TEMPO LIBRE
DIRECTORES/AS DE TEMPO LIBRE
>>FORMACIÓN PARA A DINAMIZACIÓN SOCIAL
CURSO DE DINAMIZADORES/AS CULTURAIS
CURSO DE DINAMIZADORES/AS XUVENÍS
ASOCIACIONISMO
>>FORMACIÓN PARA A DINAMIZACIÓN MEDIOAMBIENTAL
DINAMIZADORES/AS MEDIOAMBIENTAIS
>>FORMACIÓN PARA A O DESENVOLVEMENTO PERSOAL
ESCOLA VIVA
RISACTIVA
>> XORNADAS
XORNADAS DE MEDIOAMBIENTE
XORNADAS DE SEXUALIDADE
>> FORMACIÓN TEATRAL
CURSO DE INICIACIÓN AO CLOWN
OBRADOIRO DE TEATRO E DRAMATIZACIÓN
|
|
Sindicación de contidos
|
Coper@ctiva Cultural
