Formulario de busca

NOVAS

Clásica Popular Compostela pecha a súa primeira edición demostrando que a música clásica é para todos os públicos

O pasado venres, 22 de outubro, remataba a primeira edición de Clásica Popular Compostela, un ciclo pensado para achegar a música clásica a públicos diferentes a través de propostas singulares e divertidas. O ciclo comezaba o día 9 de outubro e, ao longo de dúas semanas, celebráronse un total de 16 espectáculos que encheron a capital galega de música e humor. 

Clásica Popular Compostela procuraba romper os prexuízos que existen sobre a música clásica achegándoa a todos os recunchos de Compostela e ao público de todas as idades. Por iso, os escenarios escollidos foron dende a Escola Municipal de Música, ata institutos ou centros sociais cívicos. O obxectivo era descontextualizar o ideario social que se ten sobre este tipo de música para amosar ao público diferentes xeitos de gozala. 

Dende unha perspectiva non tanto formativa nin didáctica, se non máis ben divulgativa, procurouse chamar a atención daquelas persoas que se sinten máis afastadas da música clásica. Unha maneira divertida de reivindicar a popularidade deste xénero que, sen dúbida, é quen de seducir a calquera melómano/a con máis ou menos coñecementos musicais, estudos ou incluso idade.

Dende Culturactiva colaboramos con este proxecto formando parte do elenco cos espectáculos Desconcerto (Culturativa Producións), Concerto Singular (Píscore) e Breve historia da Música Clásica (Fran Rei e Félix Rodríguez). As nosas actividades ían destinadas ao público infantil e pensadas para espertar nel o interese pola música clásica a través do humor. 

Ademais, a programación de Clásica Popular Compostela foi, en parte, retransmitida a través de You Tube. Estes vídeos están dispoñibles na canle de Culturactiva.

PRÓXIMAS ACTUACIÓNS

A historia de Brancaflor en Lalín

Lalín
08-12-2021
17:00

Asdomare en Mugardos

Mugardos
10-12-2021
11:30

Alba Grande en Cerceda

Cerceda
10-12-2021
Horario pendente de confirmación

O conto de Barriga Verde en Carnota

Carnota
10-12-2021
18:30

Conexión Pingüin en A Coruña

A Coruña
10-12-2021
20:30

Greenpiss en Ferrol

Ferrol
10-12-2021
20:30

Rilo & Penadique en Carnota

Carnota
11-12-2021
Horario pendente de confirmación



MÁIS NOVAS EN CULTURACTIVA.ORG