Sarabela Teatro achéganos esta versión libre de "As Crónicas do Sochantre" de Álvaro Cunqueiro. O funeral de Madame de Quelven contextualiza un universo viaxeiro poboado por bandidos, armas, sexo, cartos e sangue. Ao ritmo de blues o crime compensa, porque os cartos cómprano todo, inclusive a propia morte. Nas "Crónicas do Paraíso" ninguén morre, quizáis porque están todos mortos xa que o verdadeiro bandido, o poderoso, o socialmente enviado, ese, siga eternamente vivo. Na cerimonia fúnebre interpreta a música prometida por Sochantre de Crozon, pero rapidamente se comezan a infrinxir as formalidades da ocasión por parte dos presentes que velan o corpo do morto. O funeral transfórmase nun evento puramente social no que a suposta tristura da lugar a un descomprometido e festivo convivio.