Inverno na lavandería
Ficha artística
Co-produción de Danthea e K´paparota teatro.
Idea orixinal: Patricia Cameán
Espazo escénico: Patricia Caméan e Carlos Clemente
Espazo sonoro: Varios compositores
Fotografía: Alba Seijo
Sinopse
O frío do inverno chegou á pequena lavandería da cidade onde o silencio borboriña segredos e o tambor da lavadora parece conter mundos enteiros. Unha nena intrépida e soñadora inicia un xogo máxico. Ao meter o seu abrigo na lavadora, o tambor comeza a xirar... cando a porta se abre, non atopa ruído nin rutina, senón unha morea de obxectos misteriosos que emerxen un a un e que a convidan a xogar e imaxinar.
Entre risos e pompas de xabón flotando no aire, atopa unha caixa esquecida que garda unha historia especial, desas que se tecen como un calcetín infinito, desas que versan sobre a soidade das persoas maiores, desas nas que se descobren os verdadeiros anhelos.
Un inverno na Lavandería é un relato poético, unha viaxe sensorial entre o cotiá e a fantasía, onde o frío do inverno abriga os corazóns e as historias se entrelazan en cada prenda. Nela combínanse técnicas mixtas de clown, títeres de man, manipulación de obxectos, para público a partir de 3 anos.
