Andy Snatch é un auténtico artista da rúa. Malia terse graduado na universidade en artes escénicas e estudar nunha escola de circo, a súa primeira experiencia foi nas rúas de Europa. Combinando grandes habilidades de malabarista co sarcasmo británico, coa súa personalidade encantadora e clownesca e co seu ollo de lince para captar e aproveitar o momento, Andy presenta os seus espectáculos dun modo que inevitablemente te absorbe e te mantén nun estado de impresión permanente.