Aínda que residen en Bruxelas, Verónica, Natalia, Marisol e Eva manteñen unha conexión permanente coa súa terra natal, Galicia. Durante 25 anos, a cultura musical e tradicional galega foi fonte inesgotable de inspiración. Raíces dende as que construiron un repertorio de cancións que celebran diversos aspectos da vida cotiá: a vida de mulleres modernas, en contacto con múltiples culturas, linguas e estéticas musicais. 

Dende o seu debut no ano 2000 e o seu primeiro álbum Palabras Darei, percorreron un longo camiño, ofrecendo un número impresionante de concertos por todo o mundo. IALMA foi forxando e refinando pacientemente a súa reputación como embaixadoras da cultura galega a nivel internacional. Agora, celebran o seu 25 aniversario co seu último traballo, HOMENAXE, que reivindica todas as mulleres e homes que, en calquera lugar do planeta, tiveron que desarraigar a súa vida para escapar da ditadura.