Premio do Xurado no Milano Clown Festival 2009

Esta compañía belga deuse a coñecer internacionalmente co seu debut, Ha ha ha, representado máis de 500 veces arredor do mundo e aínda de xira. Son un dos grupos máis sorprendentes e creativos do clown europeo actual. As súas creacións pasaron por infinidade de programas de televisión, festivais e teatros de Europa. Nun estilo no que as figuras máis míticas son xa de avanzada idade e resulta difícil atopar novos valores, Okidok chegaron con forza para renovar o panorama do clown internacional puro e de calidade. Como escribiu sobre eles o crítico Jean-Claude Rongeras, “transgriden todos os códigos. A súa linguaxe e os seus números son impresionantes, as súas expresións faciais formidables…”. Unha compañía que parte do coñecemento da súa tradición para facer con ela algo novo.