7 burbujas naceu a partir da investigación das artes plásticas e a experimentación no campo da actuación. Comezou a súa traxectoria en 2002 co teatro de rúa, o circo-teatro, a performance e os eventos. A súa andaina profesional permitiulle desenvolver un amplo abano de accións teatrais e espectáculos coa sorpresa visual como punto de partida e que unen unha posta en escena enérxica cunha escenografía e un vestiario coidados e elaborados no seu propio obradoiro.

Hoxe 7 Burbujas continúa traballando de maneira estacional en Alemaña, onde naceu a compañía. A súa aventura profesional segue guiada principalmente pola imaxinación.