Sumando  26 anos de carreira, 17  álbums editados e inmumerables concertos en todo o mundo, Cristina Branco é unha gran embaixadora da cultura portuguesa. A súa obra é un enorme contributo para a divulgación e defensa da música, da lingua e dos autores portugueses. No seus discos, Cristina dá voz a diferentes xeracións de autores como António Lobo Antunes, Maria do Rosário Pedreira, José Afonso, Manuela de Freitas, José Mário Branco, Sérgio Godinho, Pedro da Silva Martins, Mário Laginha, Teresinha Landeiro, Jorge Cruz, Francisca Cortesão, entre moitos outros.

En concerto, Cristina Branco conta co talentoso trío co que ten compartidos os discos e os escenarios ao longo dos anos. Bernardo Couto na guitarra portuguesa, Luís Figueiredo no piano e Bernardo Moreira no contrabaixo. Son os compañeiros musicais que dan vida a este traballo, contribuindo na súa sonoridade rica e envolvente que se conxuga coa intensidade emocional e habilidade técnica de Cristina. A súa interpretación ao vivo transcende a experiencia musical das gravacións.