Yarleku Teatro

Yarleku é unha compañía que conta con máis de 15 anos de traxectoria. Nace no 2003 con afán de crear espectáculos con carácter socioeducativo, nos que se aune sobre todo unha visión plástica do teatro e unha transmisión de valores. A traxectoria de Yarleku estivo marcada por uns obxectivos moi claros que están presentes nos seus espectáculos, como ofrecer ao público infantil-familiar temas de gran transcendencia humana, críticas con aspectos da actualidade, da reflexión profunda e o patrimonio cultural da comunidade; incorporar unidades didácticas e espazos para a reflexión dos temas tratados e traballar en comunidade con espazos do estado e de Europa, cos que se comparte filosofía e obxectivos.