By ó Bu. Aproximación al no existir

Que ceaches onte? Xeado, claro. Xeado de amorodo, xeado de pistacho, xeado de culpa, xeado de chinchetas. Unha simple pregunta pódenos levar a pensar no abismo.

"By ò bu, aproximación al no existir" é un espectáculo que, a través do movemento, o trapecio e a palabra, formula a conversa entre as dúas partes dun mesmo ser. Este diálogo enmárcase nun espazo que ben podería ser a súa propia cabeza, chea de equilibrios e portas ás súas reflexións. Unha conversa sobre a súa existencia e a opción de deixar de existir.