Jojo

Jojo é unha fábula que conta a historia do primeiro orangután que foi rescatado do seu cativerio, e que significou o inicio do proxecto internacional Animal Rescue, unha ONG que traballa para salvar animais do sufrimento que representa vivir en catividade, promovendo a súa rehabilitación e o retorno ao seu hábitat natural. A través da poesía visual da arte con area e do relato musical, esta obra de monicreques fálanos do ecosistema e o seu fráxil equilibrio.

Logo dunha sucesión de recoñecementos e de xirar por todo o mundo con Sueños de arena chega Jojo: unha fermosa proposta escénica de poesía visual, sen texto, que nos fai vivir unha incrible aventura. Neste novo espectáculo a compañía incorpora a Alberto Munilla, parella acrobática de Borja na escola de circo, para fusionar a técnica do man man coa manipulación. A música volve ser de creación orixinal e interpretada ao vivo por Roc Sala.