Os d’Abaixo 15 anos a carón da tradición

Neste 2025, Os d’Abaixo fan 15 anos de música, e para celebralo, ofrecerán nos seus directos unha escolma de temas dos seus tres traballos discográficos.

A súa música, ademais de estar formada por composicións propias e músicas resultantes de traballos de investigación, componse tamén dunha escolma moi ampla de temas de recollida onde informadores como Xavier Blanco, Alan Lómax, Jeanette Bell, Pedro Echevarría Bravo, Xermán Muíños, Pichi Abollado ou Pedro Brañas  e informantes como Antonia Cachazo Faraldo, Francisco Méndez Rodríguez, Olimpia Puente ou Felisa Bello proporcionan a Os d’Abaixo unha materia prima composta unicamente pola poesía popular oral que a banda, co seu bo facer musical, arranxa e sube aos palcos para levala por toda xeografía galega e máis alá, dando así a coñecer este patrimonio inmaterial.

Con motivo das letras galegas 2025, adicadas á poesía popular oral galega, Os d’Abaixo ofrecerán un concerto composto na maior parte por temas de recollida, onde tamén expoñerán a procedencia de cada un dos temas interpretados.

Se podes, non deixes de escoitalos!